1. ПАЗЕТЕ СО ШТО ЌЕ ГО ХРАНИТЕ ВАШЕТО КУЧЕ И СТАВЕТЕ ЈА КАНТАТА ЗА ОТПАДОЦИ НА СИГУРНО МЕСТО
Месото, масната храна, отпадоците, коските и чоколадата на масата и во кантите се потенцијална опасност за дигестивни проблеми и труења што може да му ги направите на вашето милениче затоа бидете внимателни. Не дозволувајте и гостите да го хранат  и наградат вашето куче со храна која ние ја конзумираме, не го менувајте режимот на исхрана, не го прејадувајте а тоа особено важи за најстрвните раси на кучиња како Лабрадорите и Златните ретривери кои би јаделе се додека има храна. Прекумерната тежина може да доведе до многу заболувања како шеќерна болест, болест на срцето и крвните садови, пореметувања во функцијата на мускулите и скелетот.

2. НОВОГОДИШНАТА ЕЛКА
Исто како и за мачките, за кучињата новогодишната елка е нова интересна играчка кои би сакале да ја откријат. Морате поради нивната радозналост да ја заштитите со ограда за деца или да ја украсите само во горните делови.

3. ПАТУВАЊЕ И ПАУЗА
Доколку планирате да патувате со вашето куче за новогодишните празници, правете редовно пауза за да ги изврши физиолошките потреби и да се напие вода, а доколку повраќа  и паничи при секое патување изгладнете го неколку часа пред патот, дајте му таблета, прашоци против повраќање и смирување кои ги има и на природна база.  Доколку не може да го поведете кучето со вас и треба да го оставите во пансион за миленици препорачливо тоа да биде со целосна извршена превентива против вирусни заболувања, внатрешни и надворешни паразити.

4. ПЕТАРДИ И ОГНОМЕТИ
Новододишните празници може да бидат доста стресни како за самото куче така и за сопственикот поради прекумерната употреба на гласните петарди и бројните огномети. Тие делуваат на централниот нервен систем на кучето и предизвикуваат вознемиреност и плашливост, зголемено мокрење, барање заштита од сопственикот, треперење, лигавење и најчесто трчаат во спротивен правец од каде потекнува звукот. На овие звуци не реагираат толку плашливо ловџиските кучиња кои се истренирани.

За да ги намалите последиците од новогодишната еуфорија

  • Однесете го кучето кај некој пријател, роднина кој живее подалеку од  местото на празнување, а кој кучето веќе го знае и бил веќе на тоа место.
  • Прилагодување- тоа трае три до четири месеци, на кучето треба да му пуштате се погласен снимен звук од петарди и огномет и тоа пред јадење, шетање, играње за да може кучето да го свати како добар звук
  • Смирување со лекови, ампули, раствори, прашоци на природна база 
  • Комуникација со смирен тон, без возбуда од страна на сопственикот влева сигурност кај миленикот.

5. ОПАСНИ И ОТРОВНИ НОВОГОДИШНИ ЦВЕЌИЊА ЗА ВАШЕТО КУЧЕ

БОЖИЌНОТО ЦВЕЌЕ-иако не е на листата на отровни цвеќиња, сепак доколку го изедат може да имаат дигестивни проблеми, осип, алергија, чешање.
ИМЕЛАТА-Е многу отровно цвеќе за кучињата, и доколку го изедат може да имаат потешкотии во дишењето, ментални пореметувања, успорена работа на срцето, дигестивни пробелми.
ЛИЛЈАН -тоа е едно од омилените цвеќиња за кучињата но доста е отровно и може да предизвика губење на апетит, повраќање, депресија.
АМАРИЛИС-ЦЕВТ кој ги привлекува и кучињата и мачките но е доста отровен за нив.